АКЦИЯДОРЛАР ДИККАТИГА!!!
«ЎзЭлектротерм » акциядорлик жамияти акциядорлари диккатига!
«O`zElektroterm» акциядорлик жамияти акциядорларининг навбатдан ташқари умумий йиғилиши 2023 йил, 23 июн куни, соат 14-30 да, Наманган шаҳар, 8-март кўчаси, 3 уйда жойлашган, «O`zElektroterm» A.J. нинг маъмурий биносида ўтказилади. Акциядорларни рўйхатга олиш 14-00 да бошланади.
Жамият акциядорларининг навбатдан ташқари умумий йиғилишида қатнашиш учун
2023 йил 19 июн ҳолатига тузилади
Кун тартибидаги масалалар:
- «O`zElektroterm» A.J. ташкилий хуқуқий шаклини масъулияти чекланган жамиятга ўзгартириш йўли билан қайта ташкил этиш;
- «O`zElektroterm» A.J.нинг 1 (бир) дона акцияни бозор қийматида, қайтариб сотиб олиш тартиби ва шартларини тасдиқлаш тўғрисида;
- «O`zElektroterm» A.J. мулкчилик шаклини ўзгартириш тартиби ва шартларини, акциялар чиқарилувлари бекор қилиш ва ягона давлат реестридан чиқаришни тасдиқлаш тўғрисида;
- «O`zElektroterm» A.J.нинг барча хуқуқ ва мажбуриятларини ўзгартириш натижасида ташкил этиладиган масъулияти чекланган жамиятига ўтказиш бўйича топшириш хужжатларини тасдиқлаш тўғрисида.
Йиғилишда иштирок этиш хуқуқига эга акциядорлар ўзлари билан шахсини тасдиқловчи хужжат, жисмоний шахс акциядорнинг вакили эса шахсини тасдиқловчи хужжат ва нотариал тартибда тасдиқланган ишончнома билан келишлари шарт.
Хабарнома!
Ўзбекистон Республикаси «Акциядорлик жамиятлари ва акциядорларнинг ҳуқуқларини ҳимояқилиш тўғрисида»ги Қонуннинг 40-моддаси талабларига кўра овоз берувчи акцияларнинг эгалари бўлган акциядорлар жамиятни қайта ташкил этиш тўғрисида акциядорларнинг умумий йиғилиши томонидан қарорлар қабул қилишда, агар улар қарши овоз берган бўлса ёхуд овоз беришда узрли сабабларга кўра иштирок этмаган бўлса, ўзларига тегишли акцияларнинг ҳаммаси ёки бир қисми жамият томонидан қайтариб сотиб олинишини талаб қилишга ҳақлидир.
Шу муносабат билан юқоридаги масалалар бўйича овоз беришда қарши ёки умумий йиғилишда узрли сабабларга кўра иштирок этмаган акциядорлар ўзларига тегишли акцияларнинг ҳаммаси ёки бир қисмини «ЎзЭлектротерм» акциядорлик жамияти қайтариб сотиб олинишини талаб қилишга ҳақлидир.
Ўзларига тегишли акциялар жамият томонидан қайтариб сотиб олинишини талаб қилиш ҳуқуқига эга бўлган акциядорларнинг рўйхати акциядорлар умумий йиғилишида иштирок этиш ҳуқуқига эга бўлган жамият акциядорлари реестрининг маълумотлари асосида тузилади.
Акциялар Ўзбекистон Республикаси «Акциядорлик жамиятлари ва акциядорларнинг ҳуқуқларини ҳимоя қилиш тўғрисида»ги Қонунининг 24-моддасига асосан “Тошкент” Республика фонд биржаси томонидан 30.05.2023 йилдаги маълумотига бўйича, хар бир дона оддий акция 1 042,27 сўмдан ҳамда хар бир дона имтиёзли акция 1 050,13 сўмдан котировка нархлари бўйича қонунда белгиланган талаблар ва муддатларда қайтариб сотиб олинади.
Акциядорнинг ўзига тегишли акцияларни қайтариб сотиб олиш тўғрисидаги ёзма талаби акциядорнинг яшаш жойи (жойлашган ери) ва унинг қайтариб сотиб олинишини талаб қилаётган акциялар сони кўрсатилган ҳолда жамиятнинг ушбу хабарномада кўрсатилган юридик манзилига ёки электрон почта манзилига акциядорлар умумий йиғилишининг тегишли қарори қабул қилинган кундан эътиборан ўттиз кундан кечиктирмай юборилиши лозим. Акциялар қайтариб сотиб олиш талабини қўйган акциядордан белгиланган муддат тугагандан сўнг ўн кун ичида сотиб олинади.
Акцияларни қайтариб сотиб олиш «Акциядорлик жамиятлари ва акциядорларнинг ҳуқуқларини ҳимоя қилиштўғрисида»ги Қонуннинг 40 ва 41-моддаси талабларини инобатга олган холда амалдаги қонунчиликка мувофиқ амалга оширилади.
Умумий йиғилишга оид қўшимча маълумотлар олиш учун Наманган шахар 8-март кўчаси 3-уйда жойлашган жамият бош офиси биносидаги қимматли қоғозлар бўлимига мурожаат қилишларингиз мумкин.
